வெறுமை
வெறுமை
வெளிச்சம் பரவியது உடலெங்கும்
வெற்று உடலை காண்பித்தேன்
வெற்றிலை போல் மீண்டும் கிடந்தேன்
உள்ளகிடைக்கை எதுவும் அங்கு இல்லை
உன்னதமாய் தெரிய வில்லை எதுவும் எனக்கு
இயந்திரத்தனம் முடிவுற்று வலியுற்று
இயல்பாய் நடந்தேன்
ஏதொ முழுதூக்கம் முடிந்து எழுந்த
ஏதும் அறியாத குழந்தை போல
வெளியில் நடந்தேன் யாருடைய ஓரப்
பார்வையும் சுட்டு எரிக்கவில்லை என்னை
தினமும் கடப்பவர்கள் தானே கணினியில்
புதிதாய் என்ன தெரிந்து விட போகின்றது என்று
அலுத்து கொண்டேன் வீட்டை அடைந்ததும் அடுத்த ஒரு
வாரத்துக்கான உணவு கட்டுப்பாடு பூஜ்ய இடைக்கான
உடற் பயிற்சிகள் ஐயோ அப்பா நினைத்தாலே நடுக்கமாய்
இருக்கிறது என்று எனக்காக வாழ போகிறேன்
எனக்காக வாழ தொடங்கிய அந்த நாள்தானே
இதெல்லாம் தொடங்கியது
உள்ளம் கொடுத்தவன் என்று உடலை கொடுத்தேன் அதை
அவனோ உலகுக்கு கொடுத்தான் படச்செய்தியாய்
பற்பசை விளம்பரத்துக்கும் பெண்ணின் உடம்பை விலைக்கு
வாங்கும் உலகம் என் உடலை
பரவலாக்கி பங்கம் செய்தது.
அவன் வாழ்க்கையில் அவன் நண்பர்கள் மத்தியில்
பெருமை கொள்ளச் செய்த அதே காணொளி
என்னை கானல் நீராய் போக செய்தது ஏன் ?
என்னதான் உற்று பார்த்தாலும் எனக்கு என்னவோ
இது உயிரற்ற பிண்டமாகத்தான் தெரிகிறது
காதல் இல்லை ஊடல் இல்லை அன்பு இல்லை
பாசம் இல்லை நேசம் இல்லை
அமைதி இல்லை உணர்வு இல்லை பெண்மை இல்லை
வெறுமை வெறுமை மட்டுமே
என்னில் தேடி என்னதான் எடுக்கிறது இந்த உலகம்
வெறும் வெறுமையை தவிர.
Comments
Post a Comment